Kontxa Badiako igerialdia 1943. urtetik Donostian ospatzen den proba da. Egun, Easo Klubak Nautiko SS Klubaren laguntzarekin batera antolatzen du. Proba hau Gipuzkoako Igerialdien liga osatzen duten bosten artean azkena da eta ibilbidea Kontxako badiari bira ematean datza. Lasterketa amaitu bezain pronto sariak banatuko zaizkie lehen hiru sailkatuei eta baita Gipuzkoako distantzia luzeko ligako garaileei.

Absolutuen proba, berriz, 11.45etan emango dio hasiera eta irteera bi txandatan emango da, 2220 metroko luzera izanik. Izen-emateak kirolprobak.com webgunean egingo dira. Ligan parte hartu eta sailkapen orokorrean sartu nahi duen bakoitzak txip horia eskuratu beharko du. Dortsalak probaren egunean bertan hartu beharko dira Nautikoko ontziratzeko lekuan.